கரூர் பொதுக்கூட்டத்தில் ஏற்பட்ட துயரச் சம்பவம் தொடர்பாக அரசுத் தரப்பில் விளக்கமளிக்கும் விதமாக, அரசு செய்தித் தொடர்பாளர் அமுதா ஐ.ஏ.எஸ்., மருத்துவத் துறைச் செயலாளர் மற்றும் ஏடிஜிபி டேவிட்சன் தேவாசீர்வாதம் ஆகியோர் இன்று (செப்டம்பர் 30, 2025) கூட்டாகச் செய்தியாளர்களைச் சந்தித்தனர்.
இந்தச் செய்தியாளர் சந்திப்பில், கரூர் பிரச்சாரக் கூட்டத்தில் நிகழ்ந்த துயரச் சம்பவத்தின் விவரங்களை விளக்குவதற்காக, அங்குப் பதிவான வீடியோ காட்சிகளை அதிகாரபூர்வமாக ஒளிபரப்பினர்.
கூட்டம் நடந்த விதம், நெரிசல் ஏற்பட்டது, அதனைத் தடுக்க மேற்கொள்ளப்பட்ட நடவடிக்கைகள் போன்ற விவரங்கள் குறித்து, காட்சி ஆதாரங்களைச் செய்தியாளர்களிடம் காண்பித்து அவர்கள் விரிவாக விளக்கம் அளித்தனர். இந்தச் சந்திப்பு, சர்ச்சைக்குரிய சம்பவம் குறித்த அரசின் நிலைப்பாட்டைத் தெளிவுபடுத்தும் விதமாக அமைந்தது.
