தொகுதி மறுவரையறை தொடர்பான முன்மொழிவுக்கு எதிராக தமிழக சட்டப்பேரவையில் நாளை தனித் தீர்மானத்தை முதல்-அமைச்சர் விஜய் கொண்டு வர உள்ளதாக தகவல் வெளியாகியுள்ளது. தமிழகத்தின் நலனையும், மாநிலங்களின் பிரதிநிதித்துவத்தையும் கருத்தில் கொண்டு இந்தத் தீர்மானம் முன்வைக்கப்பட உள்ளதாக கூறப்படுகிறது.
மக்களவை தொகுதிகளின் மறுவரையறை தொடர்பாக நாடு முழுவதும் அரசியல் விவாதங்கள் நடைபெற்று வரும் நிலையில், தமிழகத்தின் பிரதிநிதித்துவம் பாதிக்கப்படக்கூடாது என்ற கோரிக்கைகள் பல்வேறு தரப்பினராலும் முன்வைக்கப்பட்டு வருகின்றன.
இந்நிலையில், தமிழக சட்டப்பேரவையில் நாளை நடைபெற உள்ள கூட்டத்தில் தொகுதி மறுவரையறைக்கு எதிரான தனித் தீர்மானத்தை முதல்வர் விஜய் முன்வைக்க உள்ளதாக தெரிவிக்கப்பட்டுள்ளது.
தொகுதி மறுவரையறை மேற்கொள்ளப்படும் பட்சத்தில் மக்கள் தொகை அடிப்படையில் தென் மாநிலங்களின் நாடாளுமன்ற பிரதிநிதித்துவத்தில் மாற்றம் ஏற்படக்கூடும் என்ற அச்சம் சில அரசியல் கட்சிகளால் வெளிப்படுத்தப்பட்டு வருகிறது. இதனால், மாநிலங்களின் பிரதிநிதித்துவத்தை பாதுகாக்கும் வகையில் மறுவரையறை நடவடிக்கைகள் அமைய வேண்டும் என்ற கோரிக்கையும் வலுப்பெற்றுள்ளது.
சட்டப்பேரவையில் முதல்வர் விஜய் கொண்டு வரும் தனித் தீர்மானத்தின் மீது நாளை விவாதம் நடைபெற உள்ளது. இதில் பல்வேறு அரசியல் கட்சிகளைச் சேர்ந்த சட்டமன்ற உறுப்பினர்கள் தங்களது கருத்துகளை பதிவு செய்வார்கள் என எதிர்பார்க்கப்படுகிறது.
தொகுதி மறுவரையறை விவகாரம் தொடர்பாக தமிழக சட்டப்பேரவையில் தனித் தீர்மானம் கொண்டு வரப்படுவது, மாநில அரசியலில் முக்கியத்துவம் வாய்ந்த நிகழ்வாக பார்க்கப்படுகிறது.
