இந்தியாவின் சிறந்த முதல்வர்கள் யார் என்ற கேள்விக்கு தமிழ்நாட்டின் முன்னாள் முதலமைச்சர் மு.க.ஸ்டாலின் உள்ளிட்ட மூன்று தலைவர்களின் பெயர்களை சி.ஜே.பி. நிறுவனர் அபிஜீத் திப்கே தெரிவித்துள்ளார்.

தனியார் தொலைக்காட்சி நிகழ்ச்சி ஒன்றில் நடைபெற்ற ராபிட் ஃபையர் கேள்வி-பதில் நிகழ்ச்சியில், இந்தியாவின் சிறந்த முதல்வர்கள் யார் என அபிஜீத் திப்கேவிடம் கேள்வி எழுப்பப்பட்டது. அதற்கு அவர் மு.க.ஸ்டாலின், கேரள முன்னாள் முதல்வர் பினராயி விஜயன் மற்றும் டெல்லி முன்னாள் முதல்வர் அரவிந்த் கேஜரிவால் ஆகியோரின் பெயர்களை குறிப்பிட்டார்.

மு.க.ஸ்டாலினுக்கு பாராட்டு

தமிழ்நாட்டின் பொருளாதார வளர்ச்சிக்காக மு.க.ஸ்டாலின் சிறப்பாக செயல்பட்டதாக அபிஜீத் திப்கே தெரிவித்தார். மாநிலத்தின் பொருளாதாரத்தை மேம்படுத்துவதில் அவரது நிர்வாகப் பணிகள் குறிப்பிடத்தக்கவை என்றும் அவர் கூறினார்.

பினராயி விஜயன், கேஜரிவால்

கேரளத்தின் சுகாதாரத் துறையை மேம்படுத்துவதில் பினராயி விஜயன் முக்கியப் பங்காற்றியதாகவும், டெல்லியில் பள்ளிகள் மற்றும் கல்வித்துறையில் அரவிந்த் கேஜரிவால் பல்வேறு மாற்றங்களை மேற்கொண்டதாகவும் அபிஜீத் திப்கே குறிப்பிட்டார்.

எதிர்ப்பும் எழுந்தது

அபிஜீத் திப்கேவின் கருத்துக்கு முன்னாள் பாஜக நிர்வாகி ஷெஹ்சாத் பூனாவாலா எதிர்ப்பு தெரிவித்துள்ளார். ஸ்டாலின், பினராயி விஜயன், கேஜரிவால் ஆகியோர் தங்களது மாநிலங்களில் ஆட்சியை இழந்ததை சுட்டிக்காட்டிய அவர், மக்கள் நிராகரித்த தலைவர்களை சிறந்த முதல்வர்களாக சி.ஜே.பி. தேர்வு செய்துள்ளதாக விமர்சித்தார்.

இதனால், அபிஜீத் திப்கே தெரிவித்த “சிறந்த முதல்வர்கள்” பட்டியல் தற்போது அரசியல் வட்டாரத்தில் விவாதப் பொருளாகியுள்ளது.