இந்திய சினிமாவின் முன்னணி இயக்குநர்களில் ஒருவராக வலம் வருபவர் ஷங்கர். தமிழ் திரையுலகில் புதுமைகளை கொண்டு வந்து பல வெற்றி படங்களை ரசிகர்களுக்கு வழங்கிய இவர், தற்போது மகனை silver screen-க்கு அறிமுகப்படுத்த தயாராகியுள்ளார்.
ஷங்கரின் மகன் அர்ஜித், திரையுலகில் தொழில்முறை அனுபவம் பெற்றவரே. ஏற்கனவே ‘மதராஸி’ படத்தில் பிரபல இயக்குநர் ஏ.ஆர். முருகதாஸின் உதவியாளராக பணியாற்றியுள்ளார். இந்த அனுபவம் மூலம் சினிமா உலகின் நுணுக்கங்களைப் பற்றி நன்கு அறிந்துள்ளார்.
தந்தையின் பெயரால் அல்ல, தனித்துவமான முயற்சியால் திரை உலகில் தடம் பதிக்க விரும்பும் அர்ஜித், தனது அறிமுகப்படத்திற்காக பல்வேறு கதைகளை கேட்டுள்ளார். பல முன்னணி இயக்குநர்களும் அவருக்கு கதைகள் கூறியுள்ளனர்.
இந்நிலையில், பிரபல இயக்குநர் அட்லியின் உதவியாளராக பணிபுரிந்த ஒருவர் எழுதிய கதையில், அர்ஜித் ஹீரோவாக அறிமுகமாக முடிவு செய்யப்பட்டுள்ளது. இப்படத்தின் தயாரிப்பை ‘பேஷன் ஸ்டூடியோஸ்’ நிறுவனம் முன்வந்து எடுத்து வருகிறது.
கதை ஓரு விறுவிறுப்பான, புதிய பார்வையிலானதாக இருக்கும் என எதிர்பார்க்கப்படுகிறது. இந்த கதையின் தேவைபோல் தன்னுடைய தோற்றம், உடலமைப்பு மற்றும் நடிப்புத் திறன்களை அதிகப்படுத்தும் பணிகளில் அர்ஜித் ஈடுபட்டுள்ளார்.
ஏற்கனவே, ஷங்கரின் மகளான அதிதி ஷங்கர் தமிழ், தெலுங்கு படங்களில் கதாநாயகியாக நடித்து வந்திருப்பதும் குறிப்பிடத்தக்கது. தற்போது, அவரைத் தொடர்ந்து அர்ஜித்தும் ஹீரோவாக அறிமுகமாக இருப்பது, ரசிகர்கள் மத்தியில் பெரும் எதிர்பார்ப்பை ஏற்படுத்தியுள்ளது.
இந்த புதிய ஹீரோயின் படத்துக்கான அதிகாரபூர்வ அறிவிப்பு விரைவில் வெளியாகும் எனத் தெரிவிக்கப்பட்டுள்ளது.
