சென்னை: தமிழ் சினிமாவின் முன்னணி இயக்குநர்களில் ஒருவரான விக்னேஷ் சிவன் இயக்கத்தில், பிரதீப் ரங்கநாதன் நடித்துள்ள புதிய படம் 'லவ் இன்சூரன்ஸ் கம்பெனி' (எல்.ஐ.கே). இந்தப் படத்தின் வெளியீட்டுத் தேதியை படக்குழுவினர் தற்போது அதிகாரப்பூர்வமாக அறிவித்துள்ளனர்.
நடிகர்கள்: பிரதீப் ரங்கநாதன், எஸ்.ஜே. சூர்யா, கீர்த்தி ஷெட்டி மற்றும் சீமான் உள்ளிட்டோர் முக்கிய கதாபாத்திரங்களில் நடித்துள்ளனர்.
தொழில்நுட்பக் கலைஞர்கள்: அனிருத் ரவிச்சந்தர் இசையமைத்துள்ளார். செவன் ஸ்கிரீன் ஸ்டுடியோ மற்றும் ரவுடி பிக்சர்ஸ் நிறுவனங்கள் இணைந்து இப்படத்தைத் தயாரித்துள்ளன.
ரிலீஸ் தேதி: இப்படத்தின் ரிலீஸ் பல நாட்களாக தள்ளிப்போய்க்கொண்டிருந்த நிலையில், ரசிகர்கள் மிகுந்த ஆவலுடன் காத்திருந்தனர். அந்த காத்திருப்புக்கு முற்றுப்புள்ளி வைக்கும் விதமாக, 'லவ் இன்சூரன்ஸ் கம்பெனி' வரும் ஏப்ரல் 3-ம் தேதி திரையரங்குகளில் வெளியாகும் என்று படக்குழு அறிவித்துள்ளது.
சமீபத்தில் இப்படத்தின் 'எனக்கென யாருமில்லையே' என்ற வீடியோ பாடல் வெளியாகி ரசிகர்களிடையே நல்ல வரவேற்பைப் பெற்றது குறிப்பிடத்தக்கது.
