சென்னை: பழம்பெரும் நடிகை சவுகார் ஜானகி மறைவுக்கு முதல்-அமைச்சர் விஜய் ஆழ்ந்த இரங்கல் தெரிவித்துள்ளார். அவரது மறைவு தமிழ் திரையுலகிற்கு ஈடு செய்ய முடியாத இழப்பு என அவர் தெரிவித்துள்ளார்.
தமிழ், தெலுங்கு உள்ளிட்ட பல்வேறு மொழிகளில் சிறப்பான நடிப்பை வெளிப்படுத்திய சவுகார் ஜானகி, திரையுலகில் நீண்ட காலம் பயணித்த மூத்த நடிகைகளில் ஒருவராக விளங்கினார். பல்வேறு கதாபாத்திரங்களில் தனது தனித்துவமான நடிப்பால் ரசிகர்களின் மனதில் இடம்பிடித்தார்.
சவுகார் ஜானகியின் மறைவு செய்தி திரையுலகினர் மற்றும் ரசிகர்கள் மத்தியில் பெரும் சோகத்தை ஏற்படுத்தியுள்ளது. அவரது திரை வாழ்க்கையில் இடம்பெற்ற முக்கியமான கதாபாத்திரங்கள் மற்றும் நடிப்புத் திறமை குறித்து பலரும் நினைவுகூர்ந்து வருகின்றனர்.
இந்நிலையில், சவுகார் ஜானகியின் மறைவுக்கு இரங்கல் தெரிவித்துள்ள முதல்வர் விஜய், அவரது குடும்பத்தினருக்கும், உறவினர்களுக்கும், ரசிகர்களுக்கும் தனது ஆழ்ந்த இரங்கலைத் தெரிவித்துள்ளார்.
திரையுலகில் சவுகார் ஜானகி ஆற்றிய பங்களிப்பு என்றும் நினைவுகூரப்படும் என்றும், அவரது மறைவு கலைத்துறைக்கு ஏற்பட்ட பேரிழப்பு என்றும் முதல்வர் விஜய் குறிப்பிட்டுள்ளதாக தெரிவிக்கப்பட்டுள்ளது.
சவுகார் ஜானகியின் மறைவையடுத்து திரையுலகைச் சேர்ந்த பல்வேறு பிரபலங்களும் தங்களது இரங்கலையும், அவரது கலைப்பயணத்தை நினைவுகூர்ந்தும் கருத்துகளை வெளியிட்டு வருகின்றனர்.
