முதல்வர் விஜய் தலைமையிலான தவெக அரசின் முதல் முழுமையான பட்ஜெட் நாளை சட்டப்பேரவையில் தாக்கல் செய்யப்பட உள்ளது. இந்த பட்ஜெட்டில் மக்கள்நலத் திட்டங்கள், தொழில் முதலீடு, கல்வி, சுகாதாரம் மற்றும் உள்கட்டமைப்பு மேம்பாட்டுக்கு முக்கியத்துவம் அளிக்கப்படும் என எதிர்பார்க்கப்படுகிறது.
நிதித்துறை அமைச்சர் சட்டப்பேரவையில் பட்ஜெட்டை தாக்கல் செய்ய உள்ள நிலையில், புதிய அரசின் பொருளாதாரக் கொள்கைகள், வருவாய் மற்றும் செலவுத் திட்டங்கள் குறித்து விரிவான அறிவிப்புகள் வெளியாகும் என தகவல்கள் தெரிவிக்கின்றன.
குறிப்பாக, விவசாயம், பெண்கள் நலன், இளைஞர்களுக்கான வேலைவாய்ப்பு, தொழில் வளர்ச்சி, மெட்ரோ மற்றும் சாலை மேம்பாட்டு திட்டங்கள் தொடர்பான புதிய அறிவிப்புகள் இடம்பெறலாம் என அரசியல் மற்றும் பொருளாதார வட்டாரங்கள் எதிர்பார்க்கின்றன.
இந்தப் பட்ஜெட் மூலம் தேர்தல் வாக்குறுதிகளில் முக்கியமானவற்றை நிறைவேற்றுவதற்கான நிதி ஒதுக்கீடுகள் அறிவிக்கப்படுமா என்பதும் பொதுமக்கள் மத்தியில் எதிர்பார்ப்பை ஏற்படுத்தியுள்ளது.
புதிய அரசின் முதல் பட்ஜெட் என்பதால், முதலீட்டாளர்கள், தொழில்துறையினர், அரசு ஊழியர்கள் மற்றும் பொதுமக்கள் அனைவரும் நாளைய பட்ஜெட்டை ஆவலுடன் எதிர்நோக்கி உள்ளனர்.
