காவிரி நீரை தமிழகத்திற்கு திறந்துவிட மறுப்பது கர்நாடக அரசின் தமிழர் விரோத அணுகுமுறையை வெளிப்படுத்துகிறது என்று விடுதலைச் சிறுத்தைகள் கட்சி தலைவர் தொல். திருமாவளவன் குற்றம்சாட்டியுள்ளார்.
வெளியிட்டுள்ள அறிக்கையில், காவிரி நீர் பங்கீடு தொடர்பாக உச்சநீதிமன்ற தீர்ப்பும், காவிரி நீர் மேலாண்மை ஆணையத்தின் உத்தரவுகளும் மதிக்கப்பட வேண்டும் என்று அவர் வலியுறுத்தினார். அவற்றை செயல்படுத்த மறுப்பது சட்டத்தின் ஆட்சிக்கும் கூட்டாட்சி தத்துவத்திற்கும் எதிரானது என்றும் குறிப்பிட்டார்.
“தமிழக விவசாயிகளின் வாழ்வாதாரம் காவிரி நீரைச் சார்ந்துள்ளது. உரிய நேரத்தில் நீர் திறக்கப்படாததால் டெல்டா மாவட்டங்களில் விவசாயம் கடுமையாக பாதிக்கப்படுகிறது. இந்த நிலையை மத்திய அரசு வேடிக்கை பார்க்காமல் உடனடியாக தலையிட்டு தீர்வு காண வேண்டும்” என்று திருமாவளவன் கூறியுள்ளார்.
மேலும், மாநிலங்களுக்கு இடையேயான நீர்ப் பிரச்சினையை அரசியல் கோணத்தில் அணுகாமல், அரசியலமைப்பு மற்றும் நீதிமன்ற உத்தரவுகளின் அடிப்படையில் தீர்க்க வேண்டும் என்றும் அவர் வலியுறுத்தினார்.
காவிரி நீர் திறப்பு தொடர்பான சர்ச்சை மீண்டும் தீவிரமடைந்துள்ள நிலையில், திருமாவளவனின் இந்தக் கருத்து அரசியல் வட்டாரங்களில் கவனத்தை ஈர்த்துள்ளது.
