தனது 52-வது பிறந்தநாளை முன்னிட்டு, முதலமைச்சர் ஜோசப் விஜய் தொகுதி மக்களுடன் நேரடியாக சந்தித்து கேக் வெட்டி கொண்டாட திட்டமிட்டுள்ளதாக தகவல்கள் வெளியாகியுள்ளன. இந்த நிகழ்வுக்கான ஏற்பாடுகள் தீவிரமாக நடைபெற்று வருவதாக கூறப்படுகிறது.
ஒவ்வொரு ஆண்டும் தனது பிறந்தநாளை ரசிகர்கள் மற்றும் பொதுமக்களுடன் கொண்டாடி வரும் விஜய், இந்த முறை தனது தொகுதி மக்களுடன் நெருக்கமாக இணையும் வகையில் சிறப்பு நிகழ்ச்சிக்கு திட்டமிட்டுள்ளதாக அரசியல் வட்டாரங்கள் தெரிவிக்கின்றன.
பிறந்தநாள் நிகழ்ச்சியின் போது பொதுமக்களை சந்தித்து வாழ்த்துகளை பெற்றுக்கொள்வதுடன், பல்வேறு நலத்திட்ட உதவிகளையும் வழங்கும் வாய்ப்பு இருப்பதாக கூறப்படுகிறது. மேலும், இளைஞர்கள், பெண்கள் மற்றும் மூத்த குடிமக்களுடன் கலந்துரையாடும் நிகழ்வுகளும் இடம்பெறலாம் என தகவல்கள் தெரிவிக்கின்றன.
விஜயின் பிறந்தநாளை முன்னிட்டு அவரது ஆதரவாளர்கள் மற்றும் கட்சித் தொண்டர்கள் மாநிலம் முழுவதும் பல்வேறு சமூக நலத் திட்டங்களை மேற்கொள்ளத் திட்டமிட்டுள்ளனர். இரத்ததான முகாம்கள், மரக்கன்று நடுதல், நலத்திட்ட உதவிகள் உள்ளிட்ட நிகழ்ச்சிகள் நடைபெற உள்ளதாக கூறப்படுகிறது.
இதற்கிடையில், பிறந்தநாள் விழாவில் பங்கேற்க ஆயிரக்கணக்கான மக்கள் திரளக்கூடும் என்பதால் பாதுகாப்பு மற்றும் போக்குவரத்து ஏற்பாடுகள் குறித்து அதிகாரிகள் ஆலோசனை நடத்தி வருகின்றனர்.
மக்கள் மத்தியில் நேரடியாக பிறந்தநாளை கொண்டாடும் விஜயின் இந்த முடிவு, அவரது ஆதரவாளர்கள் மற்றும் பொதுமக்கள் மத்தியில் பெரும் எதிர்பார்ப்பை ஏற்படுத்தியுள்ளது..
