தேர்தலில் தொகுதி ஒதுக்கீடு மற்றும் வேட்பாளர் தேர்வு நடவடிக்கைகளில் காங்கிரஸ் கட்சிக்குள் முறைகேடுகள் நடைபெற்றுள்ளதாக ஜோதிமணி குற்றஞ்சாட்டியிருப்பது அரசியல் வட்டாரங்களில் பரபரப்பை ஏற்படுத்தியுள்ளது.
செய்தியாளர்களிடம் பேசிய அவர், “தொகுதி தேர்வு மற்றும் வேட்பாளர் அறிவிப்பில் கட்சியின் அடிப்படை ஜனநாயக நடைமுறைகள் முழுமையாக பின்பற்றப்படவில்லை” என்று விமர்சித்தார்.
மேலும், கட்சிக்காக நீண்ட காலமாக உழைத்த நிர்வாகிகள் மற்றும் தரைப்பணியாளர்களின் கருத்துக்கள் புறக்கணிக்கப்பட்டதாகவும், சில முடிவுகள் வெளிப்படைத்தன்மையின்றி எடுக்கப்பட்டதாகவும் அவர் குற்றம்சாட்டினார்.
இந்த குற்றச்சாட்டு காங்கிரஸ் கட்சிக்குள் புதிய சர்ச்சையை கிளப்பியுள்ள நிலையில், கட்சியின் மேலிடம் இதுகுறித்து விளக்கம் அளிக்குமா என்ற எதிர்பார்ப்பு எழுந்துள்ளது.
தேர்தலை முன்னிட்டு கூட்டணி மற்றும் தொகுதி பங்கீடு தொடர்பாக பல்வேறு கட்சிகளுக்குள் ஆலோசனைகள் தீவிரமாக நடைபெற்று வரும் சூழலில், ஜோதிமணியின் இந்த கருத்து அரசியல் கவனத்தை ஈர்த்துள்ளது
