தவெக தரப்பில் பரவி வந்த அரசியல் வதந்திகளுக்கு நேரடி விளக்கம் வெளியாகியுள்ளது. விஜய் , எடப்பாடியை சந்திக்கவில்லை என்றும், NDA கூட்டணியில் உள்ள எந்தக் கட்சியுடனும் பேச்சுவார்த்தை நடத்தப்படவில்லை என்றும் தவெக தெளிவுபடுத்தியுள்ளது.
சமீப நாட்களாக விஜய் பல்வேறு அரசியல் தலைவர்களை ரகசியமாக சந்தித்தார், கூட்டணி பேச்சுகள் நடைபெறுகின்றன என்ற தகவல்கள் சமூக வலைதளங்களில் வேகமாக பரவியிருந்தன. இதற்கு முற்றுப்புள்ளி வைக்கும் வகையில் இந்த மறுப்பு வெளியாகியுள்ளது.
தவெக வட்டாரங்கள் கூறுவதாவது, கட்சி தனித்த அரசியல் பாதையில் செயல்பட்டு வருகிறது என்றும், தற்போது எந்த கூட்டணி முடிவும் எடுக்கப்படவில்லை என்றும் தெரிவிக்கப்பட்டுள்ளது. இதனால், எதிர்காலத்தில் தவெக தனிப்பாதையிலேயே செல்லுமா என்ற கேள்வி மீண்டும் எழுந்துள்ளது.
விஜய்அரசியல் களத்தில் ஒவ்வொரு நகர்வும் பெரிய கவனத்தை ஈர்த்து வரும் நிலையில், அவரைச் சுற்றியுள்ள வதந்திகளும் அதே வேகத்தில் பரவி வருகின்றன.
ஒரு மறுப்பு அறிவிப்பு… ஆனால் அது தமிழக அரசியலில் ஓடிய பல கதைகளுக்கு திடீர் பிரேக் போட்டது போல உள்ளது.
