புதுடெல்லி: மக்களுக்காக உழைப்பவர்கள் மக்களின் இதயங்களில் என்றென்றும் வாழ்வார்கள் என்பதற்கு ஜெயலலிதா ஒரு சிறந்த உதாரணம் என பிரதமர் மோடி பாராட்டு தெரிவித்துள்ளார்.
மக்களின் இதயங்களில் 'அம்மா': "தமிழகத்தில் நான் எங்கு சென்றாலும் ஜெயலலிதா அவர்கள் மீது மக்கள் வைத்திருக்கும் அளப்பரிய அன்பை நேரில் காண்கிறேன். 'அம்மா' என்ற பெயரைக் கேட்டாலே இன்றும் தமிழக மக்களின் முகங்களில் ஒரு தனி ஒளி வீசுகிறது," என்று பிரதமர் பெருமிதத்துடன் குறிப்பிட்டார்.
தெளிவான சிந்தனை கொண்ட தலைவர்: ஜெயலலிதா அவர்கள் எப்போதும் தெளிவான தொலைநோக்குப் பார்வை கொண்டவர் என்றும், பொதுநலனுக்காகவும், பெண்கள் முன்னேற்றத்திற்காகவும் பல உன்னதமான திட்டங்களைச் செயல்படுத்தியவர் என்றும் பிரதமர் புகழாரம் சூட்டினார்.
பழைய நினைவுகள்: தாம் குஜராத் முதல்வராகப் பதவியேற்ற விழாக்களில் ஜெயலலிதா நேரில் வந்து பங்கேற்ற நினைவுகளை பிரதமர் மோடி இந்த உரையின் போது நினைவு கூர்ந்தார்.
அடிமை மனநிலையிலிருந்து விடுதலை: சுதந்திர தின உரையில் தான் குறிப்பிட்ட 'பஞ்ச் பிராண்' (ஐந்து உறுதிமொழிகள்) பற்றிப் பேசிய பிரதமர், அடிமை மனநிலையை விடுத்து இந்தியப் பாரம்பரியத்தை மதிப்பதில் ஜெயலலிதா போன்ற தலைவர்களின் பங்கு முக்கியமானது என்றார்.
செயற்கை நுண்ணறிவு (AI): சமீபத்தில் நடந்த 'AI Impact Summit' குறித்துப் பேசிய பிரதமர், விவசாயம் மற்றும் கால்நடை பராமரிப்பில் AI தொழில்நுட்பம் எவ்வாறு உதவுகிறது என்பதை விளக்கினார்.
டிஜிட்டல் அரெஸ்ட் விழிப்புணர்வு: ஆன்லைன் மோசடிகள் மற்றும் 'டிஜிட்டல் அரெஸ்ட்' குறித்த விழிப்புணர்வுடன் இருக்குமாறு பொதுமக்களைக் கேட்டுக்கொண்டார்.
உறுப்பு தானம்: கேரளாவைச் சேர்ந்த 10 மாதக் குழந்தையான ஆலின் ஷெரின் ஆபிரகாமின் உறுப்பு தானம் பற்றி உருக்கமாகப் பேசினார்.
