தமிழ் திரையுலகின் முன்னணி இயக்குநரும், கிராமத்து கதைகளின் அடையாளமாக திகழ்ந்த பாரதிராஜாவின் மறைவையடுத்து, அவரது உடலுக்கு முழு அரசு மரியாதை வழங்கப்படும் என முதலமைச்சர் விஜய் அறிவித்துள்ளார்.
பாரதிராஜாவின் மறைவு தமிழ் திரைப்பட உலகிற்கும், தமிழக கலாச்சாரத்திற்கும் ஈடு செய்ய முடியாத இழப்பாகும் என்று இரங்கல் தெரிவித்த முதலமைச்சர் விஜய், அவரது கலைப் பங்களிப்பை கவுரவிக்கும் வகையில் அரசு சார்பில் முழு மரியாதையுடன் இறுதி அஞ்சலி செலுத்தப்படும் என்று கூறியுள்ளார்.
மேலும், தமிழ் சினிமாவில் புதிய தலைமுறைக்கு வழிகாட்டியாக விளங்கிய பாரதிராஜா, கிராமத்து வாழ்க்கை, மனித உணர்வுகள் மற்றும் சமூக நிதர்சனங்களை திரையில் உயிர்ப்பித்த மகத்தான படைப்பாளி என்றும் முதல்வர் தனது இரங்கல் செய்தியில் குறிப்பிட்டுள்ளார்.
அரசு மரியாதையுடன் நடைபெறவுள்ள இறுதி நிகழ்வுகளுக்கான ஏற்பாடுகளை அதிகாரிகள் மேற்கொண்டு வருவதாகவும், பொதுமக்கள் மற்றும் ரசிகர்கள் அஞ்சலி செலுத்துவதற்கான சிறப்பு வசதிகளும் செய்யப்பட உள்ளதாக தகவல்கள் தெரிவிக்கின்றன.
பாரதிராஜாவின் மறைவு செய்தி வெளியானதிலிருந்து திரையுலக பிரபலங்கள், அரசியல் தலைவர்கள் மற்றும் ரசிகர்கள் சமூக வலைதளங்களில் இரங்கல் தெரிவித்து வருகின்றனர். அவரது திரைப்படங்கள் மற்றும் கலைப் பயணம் தமிழ் சினிமாவின் வரலாற்றில் என்றென்றும் நிலைத்து நிற்கும் என பலரும் புகழஞ்சலி செலுத்தி வருகின்றனர்.
மண்ணின் மணத்தை உலக அரங்கிற்கு கொண்டு சென்ற இயக்குநர் பாரதிராஜாவுக்கு அரசு மரியாதை வழங்கப்படும் என்ற அறிவிப்பு, அவரது ரசிகர்கள் மற்றும் திரையுலகினரிடையே நெகிழ்ச்சியை ஏற்படுத்தியுள்ளது.
