பிரபல பன்மொழித் திரைப்பட நடிகர் பிரகாஷ் ராஜின் தாயார் ஸ்வர்ணலதா (86), வயது முதிர்வு மற்றும் உடல்நலக் குறைவு காரணமாக இன்று காலை இயற்கை எய்தினார்.
உடல்நலக் குறைவு
கடந்த சில நாட்களாக வயது முதிர்வு சார்ந்த உடல்நலப் பிரச்சினைகளால் அவதிப்பட்டு வந்த அவர், அதற்கான சிகிச்சைப் பெற்று வந்தார். இந்நிலையில், சிகிச்சை பலனின்றி இன்று காலை அவரது உயிர் பிரிந்தது.
வாழ்க்கையின் தூண்
பிரகாஷ் ராஜின் வளர்ச்சியில் அவரது தாயார் ஸ்வர்ணலதா மிக முக்கியப் பங்காற்றியவர். திரையுலக வெற்றி மட்டுமல்லாது, பிரகாஷ் ராஜின் தனிப்பட்ட வாழ்விலும் ஒரு வழிகாட்டியாகத் திகழ்ந்தவர். தனது தாயின் மீது அதீத அன்பு கொண்ட பிரகாஷ் ராஜ், அவ்வப்போது அவருடன் இருக்கும் புகைப்படங்களைச் சமூக வலைதளங்களில் பகிர்ந்து நெகிழ்ச்சியை வெளிப்படுத்துவது வழக்கம்.
"மூன்று நாட்களுக்கு முன்புதான் குடும்பத்தில் ஒரு பிறந்தநாள் கொண்டாட்டம் நடந்த நிலையில், தற்போது இந்த இழப்பு ஏற்பட்டிருப்பது அந்த குடும்பத்தினரிடையே பெரும் சோகத்தை ஏற்படுத்தியுள்ளது."
திரையுலகினர் இரங்கல்
ஸ்வர்ணலதாவின் மறைவுச் செய்தியைக் கேட்டு திரையுலகைச் சேர்ந்த பிரபலங்களும், ரசிகர்களும் பிரகாஷ் ராஜிற்கும் அவரது குடும்பத்தினருக்கும் ஆழ்ந்த இரங்கல்களைத் தெரிவித்து வருகின்றனர்.
