மும்பை: தமிழ் திரையுலகின் முன்னணி நடிகைகளில் ஒருவரான ஹன்சிகா மோத்வானி மற்றும் அவரது கணவர் சோஹல் கதூரியா ஆகியோருக்கு மும்பை பாண்ட்ரா குடும்பநல நீதிமன்றம் இன்று அதிகாரப்பூர்வமாக விவாகரத்து வழங்கியுள்ளது.
கடந்த 2022-ஆம் ஆண்டு டிசம்பர் மாதம் ஜெய்ப்பூரில் உள்ள அரண்மனையில் இவர்களது திருமணம் உறவினர்கள் மற்றும் நண்பர்கள் முன்னிலையில் மிக விமரிசையாக நடைபெற்றது. தொழில் அதிபரான சோஹல் கதூரியாவைத் திருமணம் செய்துகொண்ட ஹன்சிகா, திருமணத்திற்குப் பிறகும் சில திரைப்படங்களில் கவனம் செலுத்தி வந்தார்.
கடந்த சில மாதங்களாகவே இருவருக்கும் இடையே கருத்து வேறுபாடு நிலவி வந்ததாகக் கூறப்பட்ட நிலையில், பரஸ்பர சம்மதத்துடன் விவாகரத்து கோரி நீதிமன்றத்தை அணுகினர். வழக்கினை விசாரித்த மும்பை பாண்ட்ரா குடும்பநல நீதிமன்றம், இன்று இருவருக்கும் விவாகரத்து வழங்கி தீர்ப்பளித்துள்ளது.
அறிமுகம்: தமிழில் தனுஷ் நடித்த 'மாப்பிள்ளை' படத்தின் மூலம் கதாநாயகியாக அறிமுகமானார்.
முக்கியப் படங்கள்: எங்கேயும் காதல், ஒரு கல் ஒரு கண்ணாடி, வேலாயுதம், பிரியாணி, சிங்கம் 2 உள்ளிட்ட பல வெற்றிப் படங்களில் நடித்துப் பிரபலமானார்.
சின்னத்திரை: தனது கலைப் பயணத்தைச் சிறுவயதிலேயே சின்னத்திரையில் தொடங்கியவர் என்பது குறிப்பிடத்தக்கது.
தனிப்பட்ட வாழ்க்கையில் ஏற்பட்டுள்ள இந்தத் திடீர் மாற்றம் ஹன்சிகாவின் ரசிகர்களிடையே பெரும் சோகத்தை ஏற்படுத்தியுள்ளது.
