சென்னை: ஆபரணத் தங்கத்தின் விலை இன்று (ஆகஸ்ட் 20) மீண்டும் குறைந்துள்ளது. கடந்த சில நாட்களாக ஏற்றத்தாழ்வுடன் விலை நிலவிய நிலையில், இன்று சவரனுக்கு ரூ.440 குறைந்துள்ளது.
தங்க விலை நிலவரப்படி, ஒரு கிராம் ஆபரணத் தங்கத்தின் விலை ரூ.55 குறைந்து ரூ.9,180-க்கு விற்பனை செய்யப்படுகிறது. இதனால் ஒரு சவரன் (8 கிராம்) தங்கத்தின் விலை ரூ.73,440-க்கு விற்பனை செய்யப்படுகிறது.
முன்னதாக இருந்த விலையில் இருந்து திடீரெனக் குறைவு ஏற்பட்டிருப்பது, நுகர்வோருக்கு ஓரளவு நிம்மதி அளித்துள்ளது. திருமணங்கள் மற்றும் விழாக்காலங்களில் அதிகமாக வாங்கப்படும் ஆபரணத் தங்கத்தின் விலை குறைந்திருப்பதால், தங்கக் கடைகளில் வாடிக்கையாளர்கள் வருகை அதிகரிக்கும் என வியாபாரிகள் எதிர்பார்க்கின்றனர்.
அதே சமயம், சில்லறை வர்த்தகத்தில் வெள்ளியின் விலையும் சீரான நிலையைத் தக்க வைத்துள்ளது. தற்போது ஒரு கிராம் வெள்ளி ரூ.125-க்கு விற்பனை செய்யப்படுகிறது.
சர்வதேச சந்தை நிலவரங்களும், டாலர் மதிப்பில் ஏற்பட்ட மாற்றங்களும் தங்கத்தின் விலையை பாதிக்கக் காரணமாக உள்ளன என நிபுணர்கள் தெரிவித்துள்ளனர். வருங்காலத்தில் விலை மேலும் குறையுமா அல்லது மீண்டும் உயரும் என பொதுமக்கள் ஆவலுடன் கவனித்து வருகின்றனர்.
